नेपालगन्ज ५ फागुन : वडा प्रहरी कार्यालय नेपालगन्जले ३२ वटा ई–रिक्सा कारबाही गरेकोछ । नेपालगन्ज बजार क्षेत्रमा चर्को स्वरमा गीत बजाएर हिँड्ने ई–रिक्सालाई कारबाही गरिएको हो ।

वडा प्रहरी कार्यालय नेपालगन्जका प्रमुख प्रहरी निरीक्षक डिल्लीबहादुर खड्काले नेपालगन्ज बजार क्षेत्रबाट ३१ वटा ई–रिक्सा र एउटा पेट्रोल अटो रिक्सालाई नियन्त्रणमा लिइ कारबाही गरिएको बताए ।

उनका अनुसार ई–रिक्सा तथा अटो रिक्सामा जडान गरिएका साउण्ड बक्स तथा स्पिकरहरु निकालिएको छ । चर्को स्वरका कारण सवारी साधन सञ्चालन गर्दा कठिनाई हुनुका साथै दुर्घटनाको जोखिम निम्त्याउन सक्ने भन्दै कारबाही गरिएको हो ।

रिक्सा धनीलाई आईन्दा साउण्ड बक्स तथा स्पिकरहरु जडान नगर्न भन्दै यस्ता गल्ती पुनःनदोहोर्याउने सम्झौता गरि छाडिएको छ ।

पछिल्लो समय वडा प्रहरी कार्यालयले चर्को ध्वानीका साथ गुड्ने सवारी साधनमा आफ्नो निगरानी बढाएकोछ । यसअघि मोडिफाई गरि चर्को स्वर निकाल्ने चारवटा मोटरसाईकल कारबाहीमा परिसकेकाछन् ।