नेपालगन्ज २४ फागुन : जिल्ला विपद् व्यवस्थाप समिति बाँकेले आगलागि पिडीतलाई राहत प्रदान गरेकोछ ।

बाँके नरैनापुर वडा नम्बर–१ सुईयामा सोमबार विहान भएको भिषण आगलागिमा पुर्ण क्षति भएका २२ घर परिवारलाई जिल्ला विपद व्यवस्थापन समिति बाँकेले राहत प्रदान गरेको हो ।

आगालगी प्रभावित क्षेत्रमै पुगि प्रति परिवार १५ हजारका दरले नगद राहत सहयोग गरिएको जिल्ला विपद् व्यवस्थापन समिति बाँकेका सूचना व्यवस्थापन अधिकृत रुपन ज्ञवालीले जानकारी दिए ।

उनका अनुसार जिल्ला विपद् व्यवस्थापन समिति बाँकेका प्रमुख एवम बाँकेका प्रजिअ रामबहादुर कुरुम्वाङ्गले उक्त राहत प्रदान गरेका हुन् ।

यस्तै सोहीक्रममा नेपाल रेडक्रस सोसाईटीले आगलागी प्रभावित परिवारलाई ७ हजार बराबरको प्रति परिवार गैह्र खाद्य सामाग्री उपलब्ध गराएको छ ।

आगलागिबाट दलित बस्ती पुरै पुर्ण क्षति भएपछि प्रमुख जिल्ला अधिकारी, नरैनापुर गाउँपालिका अध्यक्ष ईस्तियाक अहमद शाह, सुरक्षा प्रमुखहरु, रेडक्रसकर्मी प्रभावित क्षेत्रमै आजै पुगि राहत वितरण गरिएको हो ।

आगलागीबाट विस्तापित परिवारलाई नरैनापुर गाउँपालिकाले खाना तथा अस्थायी बसोवासको व्यवस्था मिलाएको छ । बाँकेमा पछिल्लो समय गर्मी बढेसँगै आगलागीका घटना पनि बढ्दै जान थालेका छन ।