नेपालगन्ज ५ जेठ : कोरोना भाइरस संक्रमणकाबीच बाँकेमा साताब्यापी बृहत रक्तदान आयोजना गरिएकोछ ।

अनलाईन पत्रकार संघ बाँकेको आयोजनामा आज बुधबारदेखि साताब्यापी बृहत रक्तदान आयोजना गरिएको हो ।

अनलाईन पत्रकार संघ बाँकेका अध्यक्ष कमल न्यौपानको अनुसार पहिलो दिन १५ जनाले रक्तदान गरेकाछन् । विभिन्न सञ्चारमाध्यममा आबद्ध सञ्चारकर्मी लगायतका ब्यक्तिले रक्तदान गरेका हुन् ।

‘संघले कोरोना संक्रमित बिरामीलाई लक्षित गरि साता ब्यापी रक्तदान कार्यक्रमको शुभारम्भ गरेकोछ ।’ अध्यक्ष न्यौपानले भने –‘बाँकेमा कोभिड –१९ संक्रमित बिरामीलाई रगत अभाव नहोस् र रगत अभावमा कुनैपनि विरामी समस्या नपरुन भन्दै यो अभियान चलाइएको हो ।’

अध्यक्ष न्यौपानेका अनुसार संकलित रगत कोरोना संक्रमित बिरामीहरुलाई दिईनुका साथै अन्य बिरामीलाई समेत दिइनेछ । उनले रक्तदान जस्तो पुण्य कार्यमा सहभागी हुन सबैलाई अपील समेत गरेका छन् ।