नेपालगन्ज २ असारः अविरल वर्षाका कारण आएको बाढीले लमजुङको दोर्दी गाउँपालिकाको १५ घर बगएकोछ ।

लमजुङको दोर्दी गाउँपालिकाको दोर्दी खोलामा आएको बाढीले हिलेबजारका १५ घर बगाएको हो ।

बाढीले बजारका ४ वटा बिजुलीको हाइटेन्सन खम्बा पनि ढालेको छ । जसका कारण विद्युत र फोन सम्पर्क पनि अबरुद्ध बनेकोछ ।

बाढीका कारण स्थानीय आमा समूहको घर, फुटबल मैदानलगायत सबै बगाएको छ । यस्तै बाढीले दोर्दी खोलामाथि बनेको झोलुङ्गे पुलमा पनि क्षति पु¥याएकाले आवतजावत नै बन्द भएको छ ।

यतिबेला बाढी पीडितलाई बजार माथिको स्कुल तथा आफन्तको घरमा स्थानान्तरण गरिएको छ भने सबै मान्छेहरु एउटै ठाउँमा कोचाकोच भएर बस्नुपर्ने बाध्यताले स्थितीति बिजोग बनेकोछ ।

राहत तथा उद्दारका लागि जिल्ला प्रशासनलाई खबर गरेपनि गाउँ छिर्ने बाटो सबै पहिरोले क्षति भएकाले कठिनाइ भएकोछ ।