नेपालगन्ज २८ असार : जबरजस्ति करणी मुद्दामा संलग्न फरार प्रतिबादीलाई बाँके प्रहरीले ३ महिनापछि पक्राउ गरेकोछ ।

बाँकेको राप्तीसोनारी गाउँपालिका वडा नम्बर–९ ढकेरी बस्ने २८ वर्षिय जितबहादुर थारुलाई बाँके प्रहरीले पक्राउ गर्न सफल भएको हो ।

जिल्ला प्रहरी कार्यालय बाँकेका प्रहरी नायब उपरीक्षक एवम प्रवक्ता मधुसुदन न्यौपानेका अनुसार जिप्रका बाँकेको टोलीले पक्राउ गरेको हो ।

जिल्ला अदालत बाँकेले गत चैत २२ गते ९ वर्ष ८ महिना २२ दिनको कैद सजाय तोकेको थियो । अदालतबाट कैद सजाय भएका थारु फरार रहदै आएका थिए ।

पक्राउ परेका थारुलाई जिल्ला अदालत बाँकेमा बुझाउने तयारी भईरहेको बाँके प्रहरी प्रवक्ता न्यौपानेले जानकारी दिए ।