नेपालगन्ज २६ साउन : लुम्बिनी प्रदेश अनुसन्धान समुह (आरटीआई) ले पाल्पाबाट चितुवाको छालासहित दुई जनालाई पक्राउ गरेकोछ ।

पाल्पाको रिब्दकोट गाउँपालिका वडा नम्बर–७ बाट आरटीआईले एक थान चितुवाको छालासहित दुईजनालाई पक्राउ गरेको हो ।

सेतोखरीलाई प्राप्त सूचनाका अनुसार ६ फिट लम्बाई र ४ ईन्च चौडाई रहेको चितुवाको छालासहित पाल्पा रिब्दीकोट ७ बस्ने टंक बहादुर खत्रीको छोरा ४२ वर्षिय विष्णु खत्री र सोही ठाउँ बस्ने स्माईल मियाँको छोरा ४० वर्षिय रविन मियाँलाई प्रहरले पक्राउ गरेको हो ।

उनीहरुले कालो झोलामा सुतीको गम्छामा चितुवाको छाला बेरेको अवस्थामा मङ्गलबार दिउँसो एक बजे पक्राउ गरेको हो ।

आरटीआईले पक्राउ परेका ब्यक्ति र चितुवाको छाला पाल्पा प्रहरीलाई बुझाएकोछ ।