नेपालगन्ज ३२ साउन : खसी बोकेर पश्चिमबाट पूर्व जाँदै गरेको मोटरसाईकललाई ट्रकले ठक्करदिँदा खसीसहित २ जनाको मृत्यु भएकोछ ।

बाँकेको राप्ती सोनारी गाउँपालिका वडा नम्बर–१ सिक्टामा सोमबार बिहान पूर्वबाट पश्चिम जाँदै गरेको ट्रकले मोटरसाईकललाई ठक्कर दिएको हो ।

दुर्घटना लगत्तै मोटरसाईकलमा सवार बर्दिया बाँसगढी नगरपालिकाका चेतन बाहेरा र प्रदीप चौधरी गम्भीर घाईते भएका थिए । भने उनीहरुले मोटरसाईकलमै बोकेको खसी दुर्घटनामा मरेको थियो ।

दुर्घटनामा गम्भीर घाइते भएका बोहरा र चौधरीको उद्धार गरि उपचारका लागि नेपालगन्ज मेडिक कलेज कोहलपुर लगिएको थियो । दुवैजनाको उपचारको क्रममा मृत्यु भएको जिल्ला ट्राफिक कार्यालय बाँकेले जनाएकोछ ।

ट्राफिक प्रहरी कार्यालय बाँकेका अनुसार पूर्वबाट पश्चिमतर्फ आउँदै गरेको ना ६ ख ६७९९ र पश्चिमबाट पूर्व गइरहेको लु ६८ प १८२२ नम्बरको मोटरसाइकल एक आपसमा ठोक्किएको थियो ।

प्रहरीले ठक्कर दिने ट्रकलाई नियन्त्रणमा लिएर अनुसन्धान प्रक्रिया अगाडी बढाएको जनाएको छ ।