शनिबार, जेठ ७, २०७९   ०३:२२:४१

रामचन्द्र मौर्यको प्रतिबद्धताः ‘मतदातामाझ गरेको प्रतिबद्धता खेर जान दिन्न’


सेतोखरी   2079-01-25

नरैनापुर (बाँके) २५ वैशाखः नरैनापुर गाउँपालिकामा नेपाली काँग्रेसका तर्फबाट अध्यक्ष पदका उम्मेदवार रामचन्द्र मौर्यले समग्र नरैनापुरको विकासका लागि आफूले काम गर्ने प्रतिबद्धता जनाएकाछन् ।

मतदातालाई भेट्ने क्रममा नरैनापुर गाउँपालिकाको वडा नम्बर– २, ४ र ६ नम्बर वडाका विभिन्न गाउँमा पुगेका मौर्यले नरैनापुर सम्भावना बोकेको गाउँपालिका रहेकाले गाउँपालिकालाई माथि उकास्ने गरी काम गरिने प्रतिबद्धता जनाए ।

आधुनिक खेती प्रविधिलाई प्रोत्साहन गर्दै बेलैमा मल तथा विउविजन उपलब्ध गराउने र सिंचाईको राम्रो प्रबन्ध मिलाएर कृषिको आधुनिकीकरणमार्फत् नरैनापुरबासी जनताको जीवनस्तरमा सुधार ल्याउने आफ्नो योजना रहेको मौर्यले सुनाए ।

उनले धार्मिक पर्यटनको समेत सम्भावना बोकेका गाउँपालिका भएकाले आन्तरिक तथा बाह्रय पर्यटकहरुलाई भित्र्याउने गरी योजना निर्माण गरिएको पनि बताए । उनले भौतिक पूर्वाधार, शिक्षा, स्वास्थ्य क्षेत्रको सुधारसहितको योजना आफुले बनाएर घरदैलोमा हिँडेको जानकारी दिए । उनले आफुले मतदातामाझ गरेको प्रतिबद्धता खेर जान नदिने प्रतिबद्धता समेत जनाए ।