नेपालगन्ज १७ जेठ : नेपाल बैंक लिमिटेडको कोहलपुर शाखाले मंगलबार बैजनाथ गाउँपालिकाका नवनिर्वाचित जनप्रतिनिधिलाई बधाई तथा शुभकामना प्रदान गरेको छ ।

शाखाका प्रबन्धक दीपकराज ओलीले वडा नम्बर– ४ का अध्यक्ष प्रेम शाही र वडा नम्बर– ३ का अध्यक्ष निखल बैगारलाई खादा तथा अविर लगाएर बधाई दिदैँ कार्यकाल सफलताको शुभकामना दिए ।

उक्त अवसरमा बोल्दै प्रबन्धक ओलीले बैजनाथ जस्ता बजारन्मुख पालिकामा बित्तीय गतिविधिलाई प्रोत्साहन गर्न जनप्रतिनिधिको भुमिका महत्वपूर्ण हुने बताए । नियम अनुसार हुने कामलाई सहज र सरल बनाएर सेवाग्राहीलाई सन्तुष्टि गरिरहेको ओलीको भनाई छ ।

वडा अध्यक्षहरुले स्वरोजगार तथा उद्यम जस्ता गतिविधि बढाउने कार्यक्रमलाई प्राथमिकतामा राख्ने बताए । त्यसले बित्तीय गतिविधिलाई समेत चलायमान बनाउने उनीहरुको भनाई छ ।

अहिले नेपाल बैंक निक्षेप संकलन तथा कर्जा प्रवाहमा उत्कृष्ट रहेको छ ।

बैजनाथ जस्ता ठाउँ बित्तीय गतिविधि बढाउन जनप्रतिनिधिसंग सहकार्य गर्ने नीति लिएकाले जनप्रतिनिधिलाई सम्मान गरिएको हो । उक्त कार्यक्रममा कोहलपुर शाखाका सहायक प्रबन्धक लोकराज नेउपाने समेतको सहभागिता थियो ।