नेपालगन्ज १८ वैशाख : नेपाल–भारत मैत्री संघ केन्द्रिय कार्यालयले मटिहानी नगरपालिका महोत्तरीका आगलागी पीडितलाई राहत सामाग्री वितरण गरेको छ । संघले ९ लाख रुपैयाँ बराबरको उक्त सामाग्री वितरण गरेको हो ।

आगलागी पीडित १ सय ५ घरधुरीलाई झुल २ सय १० थान, तन्ना २ सय १० थान, बच्चा कपडा सेट २ सय १० थान, लुंगी १ सय ५ थान, भेष्ट १ सय ५ थान, साडी १ सय ५ थान, ब्लाउज कपडा १ सय ५ थान, पेटीकोट १ सय ५ थान र सल(च्यादर) १ सय ५ थान वितरण गरिएको संघका महासचिव बोधकृष्ण सुवेदीले जानकारी दिए ।

राहत सामाग्री वितरण गर्ने क्रममा संघका महासचिव सुवेदीसहित मधेस प्रदेश अध्यक्ष रणधिर कुमार सिंह, केन्द्रीय सदस्य अरुणकुमार सिंह लगायतको उपस्थिती रहेको थियो । मटिहानीमा केहीदिन अघि आगलागी हुँदा ठुलो क्षति भएको थियो । गर्मीयामसँगै दिनहुँजसो आगलागीका घटना भइरहेका छन् ।