नेपालगन्ज १८ असोज : जिल्ला प्रहरी कार्यालय बाँकेले तीन लाख ८८ हजार दुई सय भारतीय रुपैयाँसहित एक जनालाई पक्राउ गरेकोछ । 

नेपालगन्ज उपमहानगरपालिका वडा नम्बर–४ स्थित एक किराना पसलमा बाँके प्रहरीले छापा हानि अबैध भारतीय रुपैयाँसहित एक जनालाई नियन्त्रणमा लिएको हो । 

जिल्ला प्रहरी कार्यालय बाँकेका अनुसारा नेपालगन्ज–४ स्थित धिरेन्द्र सिजापतीले सञ्चालन गरेको किराना पसलमा खानतलासी गर्दा प्रहरीले पाँच सयका ६५० ओटा र दुई सयका ३१६ वटा अबैध भारतीय रुपैयाँ बरामद गरेको हो । 

तीन लाख ८८ हजार दुई सय भारतीय रुपैयाँसहित पक्राउ परेका किराना पसल सञ्चालक सिजापतीलाई आवश्यक कारबाहीका लागि राजश्व अनुसन्धान कार्यालय कोहलपुर पठाइएको बाँके प्रहरीले बताएकोछ ।