मंगलबार, असोज ५, २०७८   ०४:२०:३१

बाँकेमा संघीय सरकारबाट विनियोजित ८४ प्रतिशत बजेट मात्र खर्च


सेतोखरी   2078-04-14

नेपालगन्ज १३ साउनः संघीय सरकारबाट विनियोजित कुल बजेट मध्ये ८४ प्रतिशत बजेट बाँकेमा खर्च भएकोछ । आर्थिक वर्ष २०७७/०७८ का लागि संघीय सरकारबाट विनियोजित बजेट मध्ये बाँकेमा ८४ प्रतिशत कुल बजेट खर्च भएको हो ।

जिल्लामा रहेका विभिन्न सरकारी कार्यालयहरुका लागि संघीय सरकारबाट बिनियोजन भएको कुल १८ अर्ब ८५ करोड ८९ लाख मध्ये १५ अर्ब ८५ करोड २० लाख रुपैयाँ अर्थात ८४.०६ प्रतिशत खर्च भएको छ । जसमध्ये ९३.१३ प्रतिशत चालु खर्च भएको छ भने पुँजीगत बजेट ७२.६८ प्रतिशत खर्च भएको हो ।

त्यस्तै प्रदेश सरकार अन्तगर्त जिल्लामा रहेका कार्यालयहरुका लागि कुल ३ अर्ब ४९ करोड ७५ लाख रुपैयाँ बिनियोजन भएकोमा २ अर्ब ८३ करोड ६६ लाख रुपैयाँ खर्च भएको छ । जसमध्ये पुँजीगत बजेट करिब ८० प्रतिशत मात्र खर्च भएको कोष तथा लेखा नियन्त्रण कार्यालय बाँकेका प्रमुख रामचन्द्र शर्माले जानकारी दिए ।

यस्तै जिल्लाका आठ वटा स्थानीय तहहरुले गत आर्थिक वर्षमा कुल ७६.६२ प्रतिशत खर्च गरेका छन् । गत आर्थिक वर्षको वार्षिक बजेट ७ अर्ब ५५ करोड रहेकोमा खर्च ५ अर्ब ७८ करोड भएको छ ।

यो खर्च संघीय सरकार र प्रदेश सरकारको बजेटको तुलनामा कम भएको कोष तथा लेखा नियन्त्रण कार्यालय बाँकेले जनाएको छ ।