नेपालगन्ज ३१ भदौ : बाँके प्रहरीले एक लाख बढि मूल्यको अबैध सामान बरामद गरेकोछ ।

नेपालगन्ज उपमहानगरपालिका वडा नम्बर–१०, विद्युत कार्यालय जाने बाटोमा भन्सार छलि ल्याइएको सामान जिल्ला प्रहरी कार्यालय बाँकेबाट खटेको प्रहरी टोलीले बरामद गरेको हो ।

प्रहरीले बरामद गरेको सामानमा लत्ताकपडा, मिक्सर मेशिन, मोबाईल कभर, छोगडा लगायतका विभिन्न सामान अन्दाजि मूल्य एक लाख ४ हजार ८ सय रुपैयाँ रहेको छ । उक्त सामान आवश्यक कारबाहीका लागि नेपालगन्ज भन्सार कार्यालय पठाइएको प्रहरीले जनाएकोछ ।