नेपालगन्ज ३ असोज : सातौं संविधान दिवसका अवसरमा सरकारले ३४ जना उद्योगी–व्यवसायीलाई विभिन्न मानपदवीबाट सम्मानित गरेको छ ।
सातौँ संविधान दिवसको अवसर पारेर उद्योगी, व्यवसायी, बैंकर, बिमकलाई अलंकार एवं पदकबाट सम्मान गरेको हो । तर, यसरी सम्मानित हुनेमा बाँकेबाट कुनै पनि उद्योगी, व्यवसायी, बैंकर र बिमकले पाएनन् ।
यी हुन् सम्मानित हुने ३४ उद्योगी व्यवसायी
गैरआवासीय नेपाली संघका संस्थापक अध्यक्ष एवं व्यवसायी डाक्टर उपेन्द्र महतो सुकीर्तिमय राष्ट्रदीपबाट विभूषित भएका छन् । यस्तै, सोही पदकबाट व्यवसायी देवीप्रकाश भट्टचन, सुरेन्द्रवीर मालाकार सम्मानित भएका छन् ।
सुप्रबल जनसेवाश्री पदक पाउने उद्योगी–व्यवसायीहरुमा धु्रवकुमार श्रेष्ठ, नेपाल उद्योग वाणिज्य महासंघका अध्यक्ष शेखर गोल्छा, राजेन्द्रकुमार खेतान, नेपाल उद्योग परिसंघका अध्यक्ष विष्णुकुमार अग्रवाल, शिवरतन शारदा, साहिल अग्रवाल छन् ।
यसैगरी, प्रबल जनसेवाश्रीबाट निर्माण व्यवसायी रमेश शर्मा, मोतिलाल दुगड, सञ्जयकुमार खेतान, विष्णुप्रसाद न्यौपाने, पर्यटन व्यवसायी राजु ढकाल, गोकुल भण्डारी, अर्जुनमान सैजू, गोविन्द गोइन्का, नारायण अग्रवाल, कुञ्ज अग्रवाल, बैंकर उपेन्द्रप्रसाद पौडेल र रविना देशराज जोशी एवं बिमक सुनीलबल्लभ पन्त र दीपप्रकाश पाण्डे सम्मानित भएका छन् ।
सोही पदकबाट अम्बिकाप्रसाद पौडेल, चिन्तामणि न्यौपाने, हुमनाथ कोइराला, सौरभ दुगड, देवकिशन मून्दडा सम्मानित भएका छन् ।
जनसेवाश्री पाउने व्यवसायीहरुमा राधेश्याम हलुवाई, आइडिया स्टुडियो, प्रेमकण्ठ श्रेष्ठ, सागर थापा, कृषि व्यवसायी अम्मरबहादुर बानियाँ, कमलकिशोर मालपानी, यादव सिंह कार्की, नेपाल चेम्बर अफ कमर्सका अध्यक्ष राजेन्द्र मल्ल, चुन्नप्रसाद पौडेल र नरिश्वर शर्मा रहेका छन् ।