नेपालगन्ज ८ कार्तिक : साङ्ग्रीला डेभलपमेन्ट बैंकले बर्दियाको राजापुरमा निःशुल्क स्वास्थ्य शिविर गरेकोछ ।
बैंकको निःशुल्क स्वास्थ्य शिविरमा राजापुर क्षेत्रका २ सय जनाले स्वास्थ्य जाँच गराएका थिए । औषधिसहित निःशुल्क स्वास्थ्य शिविरमा जनरल तथा गाइने सेवा प्रदा गरिएको थियो ।
साङ्ग्रीला डेभलपमेन्ट बैंकलले राजापुर क्षेत्रमा चाँडै नै आफ्नो शाखा सञ्चालनमा ल्याउन लागेकोले सोही सन्दर्भमा निःशुल्क स्वास्थ्य शिविर गरिएको हो ।
हालसम्म सो क्षेत्रमा बैंक कर्मचारीमार्फत एक हजार जनाले खाता खोलेको साङ्ग्रीला डेभलपमेन्ट बैंकले जनाएकोछ ।