बर्दिया : बर्दियामा ट्रयाक्टरसंग मोटरसाइकल ठोकिदाँ श्रीमान श्रीमतिको मृत्यु भएको छ ।

बर्दिया बढैयाताल गाउँपालिका वडा नम्बर ७ पचासा बस्ने २५ वर्षिय अर्जुन रिमाल र उनकी श्रीमती २३ वर्षिय ललिता रिमालको मृत्यु भएको हो ।

नेपालगन्ज–गुलरिया सडकखण्ड अन्तर्गतको बर्दियाको बढैयाताल गाँउपालिका –७ पचासा भन्ने स्थानमा नेपालगन्जबाट गुलरियातर्फ जादैँ गरेको भे ३ प ७८७० नम्बरको मोटरसाईकल र विपरित दिशाबाट आइरहेको भे १ त ५०९९ नम्बरको ट्रयाक्टर एक आपसमा ठोक्किएको थियो ।

शनिवार बेलुकी साढे ८ बजे काठ बोकेको ट्रयाक्टरमा मोटरसाइकल ठोक्किदा भएको दुर्घटनामा रिमाल दम्पति गम्भीर घाइते भएको ईलाका प्रहरी कार्यालय मैनापोखरका प्रहरी निरीक्षक धर्मराज जोशीले जानकारी दिए ।

दुर्घटनामा गम्भीर घाइते भएका दम्पतिको उपचारको क्रममा शनिवार राति साढे ९ बजे मृत्यु भएको प्रहरीले जनाएकोछ । दुर्घटना लगतै ट्रयाक्टर र ट्रयाक्टर चालकलाई प्रहरीले नियन्त्रणमा लिइ कारबाही अगाडी बढाएकोछ ।