बर्दिया २९ चैत : बर्दियामा बाघको आक्रमणबाट मानिसको मृत्यु हुने क्रम जारी रहेकै बेला आईतवार हात्तीको आक्रमणमा परी एक जना महिलाको मृत्यु भएको छ ।

बर्दियाको गेरुवा गाउँपालिका वडा नम्रब– १, भटेरा निवासी ६० वर्षिय भुन्टि बोहराको बगुवा सामुदायिक वनमा बाख्रा चराउन गएका बेला आईतवार दिउँसो करिब १ बजेतिर जंगली हात्तीको आक्रमणमा परी उनको मृत्यु भएको जिल्ला प्रहरी कार्यालय बर्दियाले जनाएको छ ।

बर्दियामा बाघको आक्रमण जारी रहेकै बेला हात्तीको समेत आक्रमणबाट मानिसको मृत्यु हुन थालेपछि स्थानीयबासी त्रसिद बनेकाछन् । बर्दियामा बाघको आक्रमणबाट मात्रै यो वर्ष १० जना मानिसको मृत्यु भैसकेको छ ।