नेपालगन्ज २५ भदौ : केही दिनअघिमात्रै बाँकेको कोहलपुरबाट सिआईबीका नक्कली इन्स्पेक्टरलाई पक्राउ गरेको बाँके प्रहरीले बागेश्वरी मन्दिर परिसरबाट एकजना ‘नक्कली प्रहरी’लाई पक्राउ गरेकोछ ।

नेपालगन्ज स्थित बागेश्वरी मन्दिर परिसरमा रहेको पार्कबाट ‘नक्कली प्रहरी’ लक्ष्मण शाहीलाई वडा प्रहरी कार्यालयले नियन्त्रणमा लिएको हो ।

बागेश्वरी मन्दिर परिसरमा रहेको उक्त पार्कमा शाहीले बिहीबार राती आफूलाई प्रहरी हुँ भन्दै सर्वसाधरणलाई धम्काई चेकजाँच तथा सोधपुछ गरिरहेका बेला वडा प्रहरीले नियन्त्रणमा लिएको हो ।

कालिकोट खडाचक्र नगरपालिका वडा नम्बर–६ बस्ने १९ वर्षिय शाहीलाई प्रहरीले नियन्त्रणमा लिई थप अनुसन्धान अघि बढाएको जिल्ला प्रहरी कार्यालय बाँकेले जनाएकोछ ।