नेपालगन्ज ३० कार्तिक : नेपालगन्जमा अर्को दुई वटा प्रेसर कुकर बम फेला परेकोछ । एउटा प्रेसर कुकर बम पड्केको घरमै अर्को प्रेसर कुकर बम फेला परेको बाँके प्रहरीले जनाएकोछ ।

चुनावलाई लक्षित गरि हातहतियार र विस्फोटक पदार्थहरु भारतबाट नेपालगन्ज भित्रिएको भनि दुई साता अघि सेतोखरी डटकमले समाचार प्रकाशन गरेको थियो । तर, बाँके प्रहरी प्रशासनले नभित्रिएको दावि गरेको थियो ।

नेपालगन्ज १० भृकुटी नगर स्थित जनस्वास्थ्य कार्यालय नजिकै एक घरमा दीवाकर विक्रम मल्लको घरमा बम फेला परेको बाँके प्रहरीले सेतोखरीलाई बताएकोछ ।

विप्लवका कार्यकर्ताहरु सोही घरमा भाडामा बस्दै आएका थिए । फेला परेको बमलाई नेपाली सेनाको टोली आई डिस्पोज गर्ने तयारी भइरहेकोछ बाँके प्रहरीले जनाएकोछ ।

नेपालगन्जमा बम विस्फोट, दुई जना घाईते

नेपालगन्ज ३० कार्तिक स् नेपालगन्ज उपमहानगरपालिका वडा नम्बर–१० भृकुटीनगर स्थित जनस्वास्थ्य नजिकै एक घरमा बम विस्फोट हुँदा दुई जना घाइते भएकाछन् । घाईते हुनेमा विप्लव कार्यकर्ता डिल्ली विसीसहित दुईजना रहेको जिल्ला प्रहरी कार्यालय बाँकेकाले जनाएकोछ । बाँके प्रहरीका अनुसार बम पड्काउनेमा संलग्न दुवैजनालाई पक्राउ गरिएको सेतोखरीलाई जानकारी दिएकोछ । विस्तृत विवरण आउँदै ।

थप समाचार

नेपालगन्जमा बम विस्फोट, दुई जना घाईते

निर्वाचन लक्षित नेपालगन्जमा ठूलो मात्रामा हतियार भित्रियो, हतियार खोज्दै प्रहरी

नेपालगन्जमा अबैध हतियार पड्काउँदा एसपी र सिडिओ भन्छन्– ‘हतियार भित्रिएको छैन’