गुलरिया (बर्दिया) : ग्राहकको आइपीएस प्रयोग गरी आफन्तकोमा रकमान्तर गरेको आरोपमा सम्पर्क विहिन भएका नेपाल बैंक लिमिटेड गुलरिया शाखाका प्रमुख धवेन्द्र न्यौपाने बैंक तथा आफन्तको सम्पर्कबाट विहिन भएका छन् ।

न्यौपाने करिब ३ महिना अगाडि मात्रै बर्दियाको गुलरियामा रहेको नेपाल बैंक लिमिटेड शाखामा सरुवा भएर आएका थिए ।

सुर्खेतबाट सरुवा भएर आएका न्यौपाने गएको बुधबारबाट कार्यालयको सम्पर्कबाट बाहिरिएको हुन् । नेपाल बैंक लिमिटेडका केन्द्रिय सूचना अधिकारी प्रकाशकुमार अधिकारीकाले बैंकिङ कसुर गरेको देखिएको छ तर, के कति रकम हो वा कसको हो भन्ने बारेमा खुल्न सकिरहेको छैन ।

अनुसन्धानका लागी २ जना कर्मचारी गुलरिया पठाइसकेको हुँदा त्यो रिपोर्ट आए मात्रै कति रकम हिनामिना भएको हो थाहा हुने उनले बताए ।

उनले सुर्खेतबाट सरुवा भइ गुलरिया गएका न्यौपानेलाई बुधवार नै सुर्खेतको शाखामा केही गडबडी देखिएपछि सुर्खेत शाखाले उनको मोबाईलमा सम्पर्क गरि कुरा हुदँै गर्दा मोवाइल अफ भएको र आफुहरुले पनि सम्पर्क गर्न खोज्दा सम्पर्क नभएको बताए ।

सम्पर्कविहीन भएका न्यौपानेको खोजी कार्यका लागी प्रहरीलाई आग्रह गरिएको उनले जानकारी दिए ।

सुर्खेत र गुलरियामा प्रारम्भिक चरणमा केहि रकम हिनामिना भएको देखिएपनी आन्तरिक रुपमा अनुसन्धान जारी भइरहेकोले अनुसन्धानपछि मात्र सुर्खेत र गुलरियामा के भएको हो थाहा हुने बैंकका सूचाना अधिकारी प्रकाशकुमारले बताए ।

करिब एक हप्तादेखि नै सम्पर्कमा नरहेका न्यौपानेलाई शुक्रवार आफन्तले खोजतलास गरी पाँउ भन्दै जिल्ला प्रहरी कार्यालय बर्दियामा निवेदन दिएको प्रहरी नायव उपरीक्षक सूर्यप्रकाश सुवेदीले बताए । ‘निवेदन आएकोछ, हामी न्यौपानेको खोजतलासमा जुटेकाछौं’ प्रहरी नायब उपरीक्षक सुवेदीले बताए ।